תהילים פרק קכ״ו
שיר המעלות בשוב ה' את שיבת
אשִׁיר הַמַּעֲלוֹת בְּשׁוּב יְהוָה אֶת־שִׁיבַת צִיּוֹן הָיִינוּ כְּחֹלְמִים׃ באָז יִמָּלֵא שְׂחוֹק פִּינוּ וּלְשׁוֹנֵנוּ רִנָּה אָז יֹאמְרוּ בַגּוֹיִם הִגְדִּיל יְהוָה לַעֲשׂוֹת עִם־אֵלֶּה׃ גהִגְדִּיל יְהוָה לַעֲשׂוֹת עִמָּנוּ הָיִינוּ שְׂמֵחִים׃ דשׁוּבָה יְהוָה שְׁבִיתֵנוּ כַּאֲפִיקִים בַּנֶּגֶב׃ ההַזֹּרְעִים בְּדִמְעָה בְּרִנָּה יִקְצֹרוּ׃ והָלוֹךְ יֵלֵךְ וּבָכֹה נֹשֵׂא מֶשֶׁךְ־הַזָּרַע בֹּא־יָבוֹא בְרִנָּה נֹשֵׂא אֲלֻמֹּתָיו׃
ספר החיזוק היומי
יסודות הביטחון
